Општина Охрид вели дека ќе ја отстрани дивоградбата кај Чинарот, но не кажува кога

Од:

Градоначалникот на Општина Охрид, Константин Георгиевски, демантира дека не постапува согласно неговите надлежности во врска со дивоградбата на советникот од ДУИ, Нефи Усеини, но не кажува зошто инспекторатот не прави нов увид на објектот кај Чинарот, каде и покрај забраната која е изречена, се уште се гради, што претставува ново кривично дело.

Од Општината велат дека објектот ќе биде отстранет, заедно со сите други дивоградби, но не прецизираат кога. Тие кратко го повторуваат ставот кој градоначалникот Георгиевски го кажа од пред три месеци, дека тендерот ќе биде распишан во најскоро време.

“Градоначалникот на Охрид Константин Георгиески и Општина Охрид работат во согласност со сите предвидени законски процедури за постапување со бесправно изградени објекти. Истото се однесува и за бесправно изградениот објект кој го споменувате во Вашата објава. Со ребалансот на Буџетот на Општина Охрид односно Одлуката за изменување и дополнување на буџетот на ЕЛС Охрид за 2019 година која што Советот на Општина Охрид ја усвои на седницата одржана на ден 10.06.2019 година, предвидени се 1.500.000 денари во Програмата за уредување на градежно земјиште во делот на ставката за рушењена објекти. Бидејќи веќе се обезбедени средства за оваа намена, во најскоро време ќе биде започната процедура за објавување на јавна набавка за ангажирање на фирма која ќе уривабесправно изградени објекти”, се вели во дописот од Општината.

Би можело да ве интересира

Нема казни за советникот Нефи Усеини за тепачките, дивоградбите, заканите, фалсификувањето

Сопственик на портал пријавен дека со навреди и закани кон вработени во Општина Охрид барал увид во документи

Заев: Сите политичари да бидат одговорни за препораките од УНЕСКО

Ана Ололовска

„Охрид СОС“: Наместо стопирање на урбанистички хаос, новиот закон за легализација носи намалување на казните

Кристијан Ландов

Охрид нема повеќе пари за уривање, големите дивоградби останаа нечепнати

Кристијан Ландов

Охрид тужи четири фирми оти на диво користеле плажи