Општина Чаир купи возила за брза помош со парите од новогодишните украси

Од:

Наместо за новогодишни украси, Општина Чаир парите ги искористи да купи ново амбулантно возило за Здравствен дом – Скопје. Освен ова амбулантно возило, Општината донираше и возило за брза помош обезбедено од приватен донатор.

Се со цел како што кажаа, да има достапност до околните села на Скопје бидејќи има потреба од зајакнување на здравствените капацитети.

Министерот Филипче кој заедно со чаирскиот градоначалник Висар Ганиу присуствуваa на донирањето, вели дека во овој момент трае уште една процедура, а тоа е вградување на посебни инструменти за ГПС и камери во амбулантните возила.

Тој најави и дека годинава ќе пристигнат донираните возила од Кина кои требаше да пристигнат лани, но поради ковид-кризата се одложија.

Во земјава очигледен е недостатокот на амбулантни возила, за што зборува и постапката на директорот на струмичката болница кој преку Фејсбук упати апел за набавка на ново амбулатно возило, по што премиерот Заев донираше возило за брза помош.

На апелите на дел од граѓаните на Скопје до градоначалникот Петре Шилегов да ги донира парите наменети за новогодишно украсување, тој ги одби со образложение дека сака граѓаните да ги направи среќни за Нова година.

Би можело да ве интересира

Филипче не кажува дали в среда ќе ја прими вакцината на „Фајзер“ меѓу првите, како што најави

Маја Илиевска-Пачемска

ВИДЕО: Македонската вакцинална драма преку Америка до Кина

Мери Јордановска

Од утре секој ќе може да се пријави за ковид-вакцина

Искра Манојлоска

Филипче не кажува колку пари се кинеските вакцини, договорот го обврзувал на тајност

Драматично породување во возило на Брза помош на патот Струга-Дебар

Филипче се заблагодари на Брнабиќ за поканата, но вели вакцинацијата ќе ја спроведеме сами