Општина Битола објави јавен повик за учество во програмата за пречекот на Новата 2017 година.
Од секторот за односи со јавност информираат дека традиционалниот јавен повик е за јавни и физички лица кои имаат намера да понудат креативни идеи за подготвување на програмата за пречек на новата година.
– Новогодишната програма секогаш е исполнета со најразлични активности и содржини посветени за сите генерации. Во програмата се вклучуваат јавни и приватни институции, поединци и граѓани кои нудат идеи со финансиска конструкција и затоа очекуваме најдоцна до крајот на месецов, односно до 30 ноември да ги добиеме сите идеи за учество во новогодишната програма, истакнуваат од општина Битола.