Сите држави имаат обрска да ги почитуваат одлуките на Меѓународниот суд на правдата во оние случаи во кои тие се страни, а оние држави кои тоа се уште не го направиле да ја прифатат јурисдикцијата на Судот согласно неговиот Статут, стои во Предлог-резолуцијата од состанокот на високо ниво за владеење на правото на национално и меѓународно ниво, што се одржува во Њујорк во рамки на 67. Генерално собрание на ОН.
Во документот кој се очекува да биде усвоен на заседанието на Генералното собрание, земјите – членки на ОН го потенцираат исклучително позитивниот придонес на Меѓунардниот суд на правдата, правен орган на ОН, во решавањето на споровите меѓу државите, како и вредноста на неговата работа за промоција на владеење на правото.
– Ги повикуваме исто така и релевантните органи на ОН да побараат советодавни мислења од Меѓународниот суд на правдата, стои во Предлог-резолуцијата.
Генералниот секретар на ОН Бан Ки-мун нагласувајќи оти владеењето на правото е клучно за фундаменталниот развој и за постигнување на милениунските развојни цели повика да се почитуваат без селеција резолуциите, одлуките и законите, како на национално, така и на меѓунaродно ниво.