Околу 200 првачиња не следат настава зашто се невакцинирани

Од:

Според податоците што Министерството за образование и наука до петокот ги добило од терен од просветните инспектори и кои се досега обработени, околу 200 првачиња од целата држава не се запишани во учебната 2019/2020 година затоа што не се вакцинирани.

– Можеби ќе биде и поголем бројот, но поентата не е тоа. И за едно дете да се работи, ние треба да делуваме како институции, но треба да го почитуваме Уставот, законите и решението на Уставниот суд, кој за ова прашање се огласил и го третирал со конкретни насоки. Се разгледуваат сите можни опции – и околу законскиот аспект, и околу бројот на незапишани на национално ниво. Податоците на кои се повикуваат родителите во врска со вакцинацијата, како и оние за досега незапишани првачиња ќе ги отворам на посебна седница на Владата, изјави министерот за образование и наука Арбер Адеми, одговарајќи на новинарски прашања пред состанокот на работната група за концептот за инклузивно образование.

Истакна дека имал неколку средби со родители на невакцинирани деца, во присуство и на други надлежни министри и на премиерот, и на тие средби ги разгледувале сите законски аспекти.

На прашање дали во меѓувреме, до конечната одлука, ќе се дозволи овие деца да посетуваат настава, Адеми одговори дека МОН е во постојана комуникација со Министерство за здравство и ја следат ситуацијата. Повтори дека за да се зголеми достапноста и опфатот на вакцинирани, овозможена беше и теренска вакцинација на децата.

Откако минатата зима се рашири заразата со мали сипаници, а во април беше прогласена и епидемија од морбили на национално ниво, беше одлучено градинките и училиштата да ги примаат само децата за кои ќе се приложи вакцинален картон.

Би можело да ве интересира

НАкС: Образованието и науката се поважни од коцкарници и трговски центри

А1он

Испитите и колоквиумите на факултетите може да се организираат електронски, но не и со физичко присуство

Кристијан Ландов

ВИДЕО: Владата ќе доделува ваучери од 3.000 до 30.000 денари за младите

Кристијан Ландов

Државна матура нема, учениците нема да се вратат во клупите, учебната година ќе ја завршат онлајн

Ана Ололовска

Адеми бара пролонгирање на уписите во основно образование, родителите не можат да обезбедат здравствени потврди

Кристијан Ландов

МОН: Лажна вест е дека училиштата продолжуваат со работа од 18 мај

Ана Ололовска