ОЈО предложи притвор за учесниците во тепачката со пукање во Чаир

Од:

По поднесена кривична пријава од Министерството за внатрешни работи против три лица во врска со оружениот инцидент кој се случи на 14 октомври на булеварот „Христијан Тодоровски Карпош“ во Чаир, Основното јавно обвинителство Скопје за нив поведе постапка за кривично дело „учество во тепачка“ од член 132 став 1 од Кривичниот законик.

Како што соопшти денеска Јавното обвинителство, за двајца од нив надлежниот јавен обвинител поднесе предлог за определување мерка притвор до Основниот кривичен суд Скопје, додека еден осомничен во моментов е во бегство и е недостапен на органите на прогонот.

-За уште едно лице, четврти учесник во инцидентот, за кое постојат првични сознанија дека со акт на оружено насилство предизвикал тешка телесна повреда – прострелна рана кај оштетениот, во тек е постапка за прибирање докази. Тој осомничен во моментот е на издржување затворска казна за друго дело во КПУ „Идризово“, се наведува во соопштението од Обвинителството.

Би можело да ве интересира

Тепачка во болницата „8 Септември“ во Скопје

Горан Наумовски

Маж од Кичево истепал адвокат во судница

Поднесено обвинение за мажот кој ја навредуваше, па и се закануваше на Данела Арсовска

Скандалозно: Според Тошковски дивоградбите ќе се уриваат само ако се опасни по живот

Обвинителство отвори постапка против двајца осомничени за насилство врз Данела Арсовска

А1он

Арсовска го објави напаѓачот: Структури во МВР прават се да го заштитат и да го заташкаат случајот