Охриѓани се запознаа со велигденските традиции на рускиот народ

Од:

Верските обичаи во Русија по повод големиот христијански празник Велигден, традицијата на руските православни верници беа претставени пред охриѓани во рамки на манифестацијата што ја организираа националната Библиотека „Григор Прличев“ и Почесниот конзулат на Руската Федерација во Охрид.

Како што истакна почесниот конзул на Руската Федерација во Охрид проф. д-р Велимир Стојковски, македонскиот и рускиот народ ги поврзува православието, заедничките историски корени, за кои нагласи дека се, „длабоко вткаени во светските цивилизациски придобивки со своите културни, културолошки, историски и други придонеси“.

Елена Обухова, русинката која седум години живее во Охрид, пред охриѓани раскажуваше за руските обичаи за Велигден, нагласувајќи дека тие во Русија не се толку искомерцијализирани, но во основа исти.

Таа истакна дека во Русија најмногу се бојадисуваат црвени јајца, а другите се јајца кои се бојат со восок. Тие се даваат на новороденчиња, младоженци, а се носат и на гробишта како почит кон умрените.

– Во минатото се верувало дека највредно е јајцето кое ќе ви го даде свештено лице и дека има лековита моќ. Ако се јаде ќе донесе здравје дури и ако се чува цела година, или од 3 до 12 години. Во Русија исто така се верува дека лушпите од јајцата кои се носат во црква не треба да се фрлаат бидејќи ќе дојдат самовили, ќе направат кајчиња и ќе избегаат или оној кој ќе ги фрли лушпите ќе се разболи од треска, раскажува Обухова.

Како дел од настанот организиран по повод престојниот празник Велигден, посетителите имаа можност да слушнат предавање за историјата и современите тенденци на уметноста на украсување на јајца, а исто така можеа да земат учество во работилницата за уметничко украсување на декоративни велигденски јајца.

Би можело да ве интересира

Песков: Принципите на односите со Киев ќе бидат утврдени откако ќе бидат исполнети целите на операцијата

Кабинетот на Ердоган: Медиумите погрешно ја цитираат изјавата на турскиот претседател

Најмалку двајца повредени во рускиот напад врз Харков

Туск: Русија и Кина би можеле да бидат подготвени за конфронтација со Западот веќе во 2027 година

Русите ја подготвуваат јавноста за војна со НАТО

Горан Наумовски

Азаров: Западот подготвува напад врз Русија до 2030 година