Снегот кој од утрово паѓа во регионот на Охрид и Струга од цивилизацијата отсече голем број села и жители. 24 села со околу 2.000 жители од регионот на општина Дебарца според нашите информации се целосно отсечени од светот.
Патните правци за повеќе населеми места се непроодни, а поголем дел од селата веќе трети ден немаат струја, а во прекин се и телефонските и мобилните врски. Во меѓу време ЕВН прави напор за оспособување на далекувод во близина селото Ботун, а се прават напори за пробивање и на некои од патните правци.
Во општина Охрид во поголемиот дел од приградските населби е отежнато движењето но се расчистува теренот и се пробиваат патните правци до селото, а во некои од селата има повремени прекини на струја.Патниот правец до Свети Наум е исчистен само до селото Пештани, додека останатиот дел од патот кој води и до границата со Албанија се уште не е исчистен.
Во регионот на Струга селата од областа Малесија се целосно отсечени,селата Боровец, Јабланица, МОдрич и Дренок се исто така се надвор од цивилизацијата. Ова го потврдија и од локалланта канцеларија на Центарот за управување со кризи во Охрид.
