Охрид го стопираше уривањето на дивоградбата откако сопствениците поради трошоците побарале сами да ја отстранат

Од:

Општина Охрид почна со уривање на дивоградбата во Горно влашко маало на улицата Марко Несторовски, но активностите запреа откако сопствениците најавиле дека сами ќе го отстранат остатокот од објектот. Според Општината, постои ваква законска можност, но најавија дека ќе изготват и трошковник за рушењето од изминатите денови.

„Сопствениците на нелегално изградениот објект ја искористија законската можност, поради поголемите трошоци, остатокот од дивоградбата да го отстранат сами во определен рок. Ние го поздравуваме овој потег и апелираме до другите граѓани и правни лица да го следат овој примен, бидејќи уривањето и натаму ќе продолжи, но и ќе се интензивира“, велат од Општина Охрид.

Уривањето на дивоградби во Општина Охрид почна во петокот. Работници придружувани со екипи на полицијата го отстрануваа објектот, откако претходно и покрај донесеното решение за забрана на изведување градежни работи, инвеститорот и натаму градел.

Неофицијално, според извори на „А1он“, изведувач на градбата е фирмата „Нефи ИК“ во сопственост на советникот Нефи Усеини. Жолтата лента поставена пред објектот од страна на инспекторатот била отстранета, а потоа било продолжено со градба.

Во Охрид се идентификувани 1.076 дивоградби, а во заштитеното централно подрачје 409. Меѓу нив е и пицеријата и бетонската база на охридскиот советник Нефи Усеини.

Од Општина Охрид велат дека имаат распоред и знаат која ќе биде следната градба што ќе се урива, а известувањето, како и претходно, ќе биде објавено на нивната веб-страница.

Би можело да ве интересира

Нема казни за советникот Нефи Усеини за тепачките, дивоградбите, заканите, фалсификувањето

Сугарески: Нема да се создаде урбанистички хаос со новиот закон за легализација

Ана Ололовска

Сопственик на портал пријавен дека со навреди и закани кон вработени во Општина Охрид барал увид во документи

Заев: Сите политичари да бидат одговорни за препораките од УНЕСКО

Ана Ололовска

„Охрид СОС“: Наместо стопирање на урбанистички хаос, новиот закон за легализација носи намалување на казните

Кристијан Ландов

Охрид нема повеќе пари за уривање, големите дивоградби останаа нечепнати

Кристијан Ландов