Три цркви во Скопско се ограбени во текот на овој месец при што се одземени вкупно околу 16 илјади денари, соопшти Министерството за внатрешни работи.
Станува збор за црквата „Свети Спас“ во скопското село Добри Дол од каде се одземени околу 5.200 денари, црквата „Св. Преображение“ во месноста Теферич каде се украдени околу 500 денари и црквата „Св. Никола“ во скопско Горно Соње која е оштетена со околу 10 илјади денари.
Министерството за внатрешни работи информира дека се преземаат мерки за пронаоѓање на сторителите.