Околу 122 илјади денари одзеле две маскирани лица од кои едно вооружено со пиштол, при разбојништвото што се случило синоќа околу 21 часот и 30 минути во КАМ маркетот на булеварот „Видое Смилевски Бато“ во Тетово информираше денеска портпаролот на тетовкста полиција, Марјан Јосифовски.
Двете лица се втурнале во маркетот и заканувајќи му се вработениот дека ќе пукаат го натерале да ги однесе до просторијата каде се чувал сефот со пари. Таму била и одговорната за маркетот па откако разбојниците и на неа и се заканиле со пиштолот таа го отворила сефот од каде тие ги одзеле сите пари и избегале во непознат правец.
Полицијата извршила увид, подигнала траги за вештачење и работи на откривање на сторителите. Ова е прво регистрирано разбојништво во Тетово од почетокот на оваа година.