Политичката ситуација во Македонија загрижува, но таа не треба да ја спречи земјата и граѓаните да ги третираат вистинските проблеми. Не велам дека политичката ситуација не е вистински проблем, меѓутоа постојат и други работи коишто се однесуваат на иднината, а една од нив е и животната средина, изјави француската амбасадорка Лоренс Оер.
Одговарајќи на новинарско прашање по отворањето на семинарот за управување со водите, француската амбасадорка рече дека сите треба да работат заедно, односно за заедничкиот интерес.
– Она што е важно е дека македонската држава и политичките партии се одвоени. Овде сме задолжени да работиме за заедничкото добро, односно генералниот интерес, рече Оер.
Таа додаде дека една од важните работи се и медиумите кои треба да бидат транспаретни и да работат во нормални услови.
– Вие треба да можете да може да ја вршите вашата работа. Како амбасада имаме учествувано во набљудувањето на изборите и ќе продолжиме на учествуваме во сите тие настани. Во секој случај треба како медиуми да може да ја вршите вашата работа и ве поттикнуваме да бидеме транспаретни и да работите во нормални услови, рече Оер.