Судењето против премиерот Зоран Заев за случајот „Поткуп“ е одложено за 25 декември.
Причината за одложувањето е јавната седница на Апелацискиот суд закажана на 27-ми ноември на која ќе се одлучува дали ПИ мерките се доказ во случајот.
На едно од минатите рочишта, судијката Деана Груевска-Илиевска го одби предлогот на адвокатите на Заев снимките од ПИ мерките кои се појавија на Јутјуб да не бидат доказ во постапката. Тимот адвокати поднесе жалба до Апелација.
Заев денеска се појави во Кривичниот суд.
Во овој случај, Заев е обвинет дека како градоначалник на Струмица од бизнисменот Иван Николов побарал поткуп од 163.924 евра, односно по 2 евра за еден квадратен метар градежно земјиште во Струмица, кое Николов сакал да го приватизира.
В.М.