Судскиот совет ја одложи денешната затворена седница за 27 јануари, бидејќи немало доволен кворум за одлучување.
Освен тоа, Весна Дамева која е новоизбрана членка на Советот, не можела да ги проучи материјалите за денешната седница бидејќи ги добила дури сабајлево.
Судскиот совет на минатонеделната седница не стигна до точката разно, под која требаше да се разреши судијата-поротничка Лилјана Ивановска Кочковска.
Поротничката има навршено шеесет години и затоа веќе не може да биде поротник.
Освен тоа, Судскиот совет повторно го одложи изборот на шест судии за Апелациониот суд Скопје, поради неусогласеност на ставовите на членовите.
Минатата недела Судскиот совет на затворена седница го разреши Владимир Панчевски.