Предлогот на ДУИ за заменик министер во Министерството за транспорт и врски, Фатон Положани, по полуфиналниот меч во кошарка на Македонија со Шпанија во 2011 година ја нарекол државава ФИРОМ.
Тој на својот Фејсбук профил, по кошаркарскиот полуфинален натпревар на македонската репрезентација со шпанската репрезентација на Европското првенство во Литванија, и во кој Македонија изгуби со 92: 80, напишал:
Шпанија-П.Ј.Р.Македонија 92: 80….Оди си дома ФИРОМ.
Профилот е со сигурност на Фатон Положани со оглед дека на него се сите фотографии од неговите средби кои ги имал со функционери на ДУИ како и од сите негови патувања.
Владата досега секогаш остро реагираше кога државава на првенствата или на други манифестации беше претставувана како ФИРОМ.