4.000 здравствени работници се пријавиле вакцинација, од нив 2000 се од Скопје, а останатите од другите градови, соопшти министерот за здравство Венко Филипче
„Сајтот за пријавување за вакцинација се очекува да биде во функција утре и тоа ќе значи дека секој сам ќе може да се пријави, а системот ќе биде тој кој ќе генерира кои се приоритетни“, вели Филипче.
Тој денеска беше во посета на поликлиника „Бит пазар“, на разговори за тоа како ќе бидат распределени седумте вакцинални пунктови во Скопје.
Во согласност со капацитетот на здравствениот кадар, во некои поликлиники и здравствени домови ќе има по повеќе вакцинални пунктови кои ќе работат во две смени за да може да се имунизираат поголем број на граѓани.
