Од 14 декември, во Македонија пристигнува најновиот телефон на Епл, Ајфон 5.
Ајфон 5 работи на iOS 6 оперативен систем, кој има 200 нови карактеристики. Меѓу нив позначајни се навигација со говорни и визуелни инструкции, интеграција со Фејсбук за организирање на билети, пропусници и картички за лојалност.
„Го носиме Ајфон 5 во Македонија како последно иновациско решение во мобилната телефонија. Токму затоа Т-Мобиле е лидер на пазарот, постојано е во чекор со светските технолошки трендови, правејќи ги достапни за македонските граѓани. Најновиот Ајфон 5 како најнапредната комуникациска алатка овозможува брз и сигурен пристап до повеќе мултимедијални содржини. Овој апарат овозможува олесната и понапредна комуникација во движење, едноставност при ракување, неограничена забава и зголемен адреналин за сите љубители на паметните телефони“, изјави г-дин Жарко Луковски, главен извршен директор на Т-Мобиле Македонија.
Т-Мобиле ќе го овозможи најновиот iPhone 5 од 16GB веќе од 13.900 денари во тарифата i3600 со потпишан договор за Доверба 24. Повеќе информации за телефонот може да се најдат на страницата www.t-mobile.mk/iphone.