Од кабинетот на Ѓорге Иванов за А1он рекоа дека не знаат да кажат кога лидерот на ВМРО-ДПМНЕ, Никола Груевски ќе го врати мандатот кај претседателот.
Во Уставот е јасно запишано дека мандатот се дава на оној кој ќе состави мнозинство во Собранието.
Тенденциите на експертите кои се блиски до ВМРО-ДПМНЕ се дека мандатот не треба да се дава на лидерот на СДСМ, Зоран Заев, додека опозицијата очекува да го добие мандатот од Иванов.
Иако не е јасно дефинирано со Уставот, Ѓорге Иванов има рок од 10 дена да го даде мандатот на друг мандатар, кој ќе има нови 20 дена за формирање на мнозинство, со што нова Влада би добиле најдоцна до март.
По вчерашната изјава на портпаролот на ДУИ дека немаат внатрепартиски договор, со што беше јасно дека Груевски нема да формира Влада, ВМРО-ДПМНЕ наместо со најавената прес конференција излезе со соопштение преку кое бараат нови избори.
Александар Тодески