Обвинителството потврди: Истрага за фирма која ја чисти Владата

Од:

Основното јавно обвинителство Скопје донесе Наредба за спроведување истражна постапка против едно физичко и едно правно лице за продолжено кривично дело – Злоупотреба на постапката на јавен повик, доделување на договор за јавна набавка или јавно-приватно партнерство од член 275-в од Кривичниот законик. А1он.мк вчера објави дека се псроведува истрага за фирмата „Серта“, а за сопственикот се побарани мерки на препазливост.

Осомничениот управител преку правното лице во 2018 година свесно ги повредил прописите за постапката за доделување договор за јавна набавка на средства за хигиена спроведена од Службата за општи и заеднички работи на Владата на Република Северна Македонија. Постои основано сомнение дека како дел од конзорциум кој учествувал во постапката за јавната набавка, осомничените поднеле невистинита документација и оствариле имотна корист од поголеми размери за правното лице. Имено, со приложената невистинита документација осомничените биле избрани во постапката и со нив бил склучен Договор за јавна набавка со вкупна вредност од 209.999.304,00 денари без ДДВ за период од три години. Врз основа на овој договор, обвинетиот и неговото правно лице биле исплатени износ од 60.691.261,00 денари со ДДВ, односно 25% од вкупниот износ исплатен кон конзорциумот.

Во 2021 година истото правно лице, повторно како дел од група фирми, се јавило во постапка за јавна набавка на средства за хигиена спроведена од Службата за општи и заеднички работи на Владата на Република Северна Македонија. Повторно врз основа на лажни документи, бил склучен договор со осомниченото правно лице како носител на групната понуда и му биле исплатени 21.497.105,50 денари со ДДВ за извршување на обврските по јавната набавка, односно 40% од вкупниот износ на договорот.

Надлежниот јавен обвинител му предложи на Основниот кривичен суд Скопје за осомниченото физичко лице да определи мерки на претпазливост – забрана за напуштање на живеалиште, привремено одземање на патна и друга исправа за преминување на државната граница, забрана за преземање определени работни активности поврзани со кривичното дело, односно забрана за располагање со парични средства од банкарските сметки на правното лице.​

Би можело да ве интересира

Скопјанец продавал дрога во продавница за миленици

Скопјанец сакал „да го реши“ синот со нож затоа што не го почитувал, Обвинителството бара притвор

Катерина Павлова-Николовска

Kомандирот и полицајците осомничени дека со умисла овозможиле бегство на затвореникот осуден на над 20 години затвор

Кристијан Ландов

Владата фатена во лага, не субвенционира 73% од сметките за струја, тврди ВМРО-ДПМНЕ

Кривични пријави за поранешен градоначалник на Неготино и за вработени во Општината

Катерина Павлова-Николовска

Обвинение за „Империја“: Се гонат Панделески, Митревски, Тасковски, од вкупно 19 лица кои биле осомничени

Ландов