Вкупната бројка на лица кои побарале амнестија, а за кои има негативно мислење од Обвинителството се вкупно 50.
Основното јавно обвинителство за гонење организиран криминал и корупција ги достави мислењата по преостанатите 17 барања за амнестија до судот. Дадено е позитивно мислење само по 3 барања, а мислење дека не ги исполнуваат условите согласно Законот за амнестија е дадено во 14 случаи.
„Од вкупно примени 29 барања за амнестија, доставени од надлежниот суд, Основното јавно обвинителство за гонење на организиран криминал и корупција даде позитивно мислење по 15 барања за амнестија, а за другите 14 дадено е мислење дека по барањата не се исполнети условите од Законот“, соопштија од Обвинителството.
Основното јавно обвинителство Скопје постапуваше по 37 барања за амнестија. Денеска по сите е испратено мислење до Основниот суд Скопје 1 Скопје. Од Обвинителството информираат дека во 36 мислења нема место за амнестија, а позитивно мислење има само за едно.
Васко Маглешов