Обвинителството бара притвор за неготинецот кој ја претепа партнерката до кома

Од:

Јавен обвинител од Основното јавно обвинителство Кавадарци донесе Наредба за спроведување истражна постапка против 51-годишен жител на Неготино за кого постои основано сомнение дека сторил кривично дело – Тешка телесна повреда од член 131 став 3 од Кривичниот законик.

dobivaj vesti na viber

На 2 август, по вербална расправија, осомничениот извршил семејно насилство врз жена со која претходно повеќе години живеел во вонбрачна заедница. Тој повеќе пати ја удирал со бокс во главата, а потоа ја турнал кон туш кабината во бањата. Оштетената паднала и се здобила со тешка телесна повреда од која западнала во коматозна состојба. По интервенција во Општа болница – Кавадарци, таа била итно пренесена на лекување во Клиничкиот центар „Мајка Тереза“ во Скопје.

Надлежниот јавен обвинител до судијата на претходна постапка од Основниот суд во Кавадарци поднесе предлог за определување мерка притвор за осомниченото лице, бидејќи оцени дека постои опасност тој да се даде во бегство за да го избегне кривичниот прогон.​

Би можело да ве интересира

Гевгеличанец злоставувал осумгодишно дете што му го доверувале на чување

Украдени бистите на Вапцаров и на Неделковски од Градски парк во Скопје

Во стан на „Џон Кенеди“ пронајден починат маж

Ана Ололовска

ВИДЕО: Разбиена група што криумчарела хероин во Хрватска, тројца приведени

Кавадарчанка го заклала партнерот па го запалила телото

Катерина Павлова-Николовска

Криумчар бегајќи удрил во полициско возило, ги повредил и полицајците и мигрантите кои ги превезувал