Обвинителство: Четворица вработени во УБК проневериле 824 илјади евра

Од:

Основното јавно обвинителство за гонење на организиран криминал и корупција поднесе обвинителен акт против четворица вработени во УБК. На тројцата обвинети им се става на товар дека со извршените дејствија сториле кривично дело – злоупотреба на службената положба и овластување, а четвртото лице е обвинето за помагање во извршувањето на истото кривично дело.

„Обвинетите, како службени лица вработени во Управата за безбедност и контраразузнавање при Министерството за внатрешни работи, во временскиот период од 25.01.2007 година до 30.05.2017 година, постапиле спротивно на чл.7 ст.1 и чл.12 од „Упатството за користење на средства за посебна намена на УБК“. Во наведениот временски период, во вкупно 172 наврати за потребите на касата за исплата на средствата за посебни намени на УБК, од Одделот за финансии при Министерството за внатрешни работи, подигнале парични средства за кои поднесувале барања и стални признаници за износите што ги подигнувале. Притоа, без да имаат посебно одобрение од Директорот на Управата, без да биде формирана Комисија за ништење на материјална документација и без записници, ги уништиле евиденциите за потрошените средства заедно со документацијата за исплата – „Главните книги за евиденција““, велат од Обвинителството.

Обвинетите предизвикале штета на Буџетот на државата во вкупен износ од 50.670.000 денари, а поради постоење на основано сомневање дека доколку обвинетите се пуштат да се бранат од слобода може да се дадат во бегство, надлежниот обвинител побарал мерката притвор определена од судија на претходна постапка да се продолжи против тројца обвинети.

Би можело да ве интересира

ОЈО бара притвор за извршителка од Кичево, осомничена е за три кривични дела

Горан Наумовски

Лани поднесени обвиненија за половина од примените пријави за злоупотреба на лични податоци

Александар Тодески

Обвинителството бара притвор за двајца дилери од Скопје и Велес

За несреќата надлежно е бугарското обвинителство, овој предмет е за фалсификување на исправата, вели обвинителот во предметот „Беса Транс“

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

ОЈО со детали за операцијата „Чибук“: Истрага против најмалку десет лица

А1он