Основната јавна обвинителка Вилма Рускоска денеска оствари средба со британската амбасадорка Рејчел Галовеј, на која било разговарано за предизвиците со кои секојдневно се соочува и за подготвеноста на обвинителството да се справи со организираниот криминал и корупцијата.
Како што се наведува во соопштението од ЈОРМ, амбасадорката Галовеј, на средбата, ја истакнала важноста на обвинителството за владеењето на правото во земјата, како и во процесуирањето на предметите од областа на економскиот криминал и корупцијата.