До истекот на законски предвидениот рок за жалба, Основното јавно обвинителство обжалило вкупно 21 решение на судија на претходна постапка кој одлучуваше по однос на барањето за издвојување на докази од списите на предметите на Јавното обвинителство, информираат од Основниот суд Скопје 1 – Скопје
„Истите веќе се доставени до спротивната страна за одговор, кој во законски предвидениот рок треба да достави одговор по што обжалените решенија веднаш ќе бидат испратени на надлежно постапување на Апелациониот суд – Скопје согласно член 93 од ЗКП“, додаваат од таму.
Апелициониот суд допрва ќе одлучи дали ќе ги прифати или ќе ги отфрли жалбите како неосновани. По шест месеци од поднесувањето на кривичната пријава од страна на СДСМ, сите 27 предмети се во предистражна постапка и за ниту еден досега не е отворена истрага.