Обвинителите од Струга и Битола под лупа – комисија проверува дали ги криеле предметите за Мерко

Од:

Четиричлена комисија од јавни обвинители од Јавното обвинителство на РСМ денеска врши надзор на постапувањето во предметите во ОЈО Струга и обвинителството во Битола, информираат од Јавното Обвинителство.

Струшкиот градоначалник Мерко има 6 кривични и во македонското Обвинителство – Ниту една завршена

Струшкиот градоначалник деновиве Стејт Демартментот, како спорна личност го стави на нивната црна листа заедно со неговоtо семејство. Во наводите се вели дека тоа е сторено поради наводи за корупција.

Јавното обвинителство на Република Северна Македонија исклучително сериозно ги зема предвид сознанијата на американскиот Стејт департмент за потенцијално влијание од страна на ова лице врз постапките. Од тие причини, обвинителството итно по секој предмет ќе ја испита законитоста и ажурноста во постапувањата и евентуалното вршење влијание во постапувањето по предметите.

За сите обвинители за кои ќе се утврди дека постапувале неажурно, нестручно и потпаднале под влијание ќе се поведе постапка за одговорност, а јавноста ќе биде соодветно информирана, велат од Обвинителството.

По целосните проверки на постапувањето, Комисијата ќе изготви извештај, Велат од Обвинителството.

Според обвинителството активни се следните предмети:

​1. КО бр. 107/23 кој е заведен по кривична пријава  поднесена од повеќе Здруженија на граѓани, за кривично дело – Злоупотреба на службената положба и овластување од член 353 од КЗ. Пријавата е поднесена на 26.04.2023 година, постапува ОЈО Струга и преема дејствија за проверка на наводите.

2. КО бр. 117/23 заведен во ОЈО Струга против наведеното и уште две други лица за кривични дела по член 353 и член 353-в од КЗ, а по кој има испитани лица и редовно се постапува.

3. КО бр. 121/23 примен во ОЈО Струга на 19.05.2023 година и по кој се проучува пријавата и предистражната постапка е на почеток.

4. КО бр.208/15 отворен по пријава од УФП за кривично дело по чл.353 ст.1,2. и 5 против лицето за кое покажувате интерес и други три лица. Обвинителот што постапува во предметот издал Наредба за вештачење до Бирото за судски вештачења, по доставените наоди во три наврати е побарано дополнување на вештачењето. Предметниот обвинител се уште го чека постапувањето по Наредбата за дополнување издадена во февруари 2020 година.

5. КО бр. 15/22 отворен во ОЈОГОКК по кривична пријава од група адвокати против три лица, а во врска со ангажмани за адвокатски услуги, предметот е во предистрага и се постапува по истиот.

6.​ РО 55/19 предмет по анонимна кривична пријава за кривични дела – Злоупотреба на службена положба и овластување и Измама против наведеното и повеќе други лица, поврзано со експропријација на земјиште во Струга. По слични наводи постапувало и ОЈО Струга и ОЈОГОКК, по што двата предмети се споени, обезбеден е судскиот предмет и дел од списите кои се наведуваат во пријавата. Се наоѓа во фаза на предистражна постапка.

 

 

Би можело да ве интересира

Мерко двапати назначил директорка на училиште која немала завршено високо образование: Антикорупциска ќе му поднесе кривична

Орце Костов

Општина Струга од морални причини забранила движење со костими за капење низ чаршијата, според адвокатот Деребан нема правен основ за знаците и санкции

Предраг Петровиќ

Црна листа на Рамиз Мерко: Забрани шетање по бикини во Струга

Орце Костов

Во судовите има 30 предмети поврзани со Рамиз Мерко: Вонреден надзор на Комисија од Јавното обвинителство

Орце Костов

Османи: Не сум го гласал Мерко за да кажам дали да даде оставка, сам треба да си одлучи

Предраг Петровиќ

Се „чешлаат“ сите предмети против Мерко, дури и завршените – Обвинителите бaраат дали некој му гледал низ прсти

Анита Петровска Рајковиќ