Обвиненијата кои Специјалното јавно обвинителство ги достави до Кривичниот суд во четвртокот се распоредени кај двајца судии во согласност со електронскиот систем за распределба, велат од Судот.
Од таму не наведуваат кај кои судии се распоредени обвиненијата од СЈО, но појаснуваат дека овие постапки може да бидат поведени врз основа на обвинителен предлог или приватна тужба согласно членот 468 и членот 469 од Законот.
За разлика од претходните прес конференции кога Јавните обвинителки ги посочуваа лицата преку нивните работни места, во презентирањето на обвиненијата не беше кажано која функција ја имале лицата кои се обвинети, но според разговорите кои ги објавуваше опозицијата, во обвинението за уништување на општина Центар, најверојатно првообвинет е лидерот на ВМРО-ДПМНЕ, Никола Груевски.