Објавен јавниот повик за субвенции за набавка на инвертери, аплицирајте онлајн

Од:

Градот Скопје го објави јавниот повик за субвенционирање на граѓаните за набавка на високоефикасни инвертер клима уреди за затоплување за 2022 година, а граѓаните може да аплицираат онлајн.

dobivaj vesti na viber

„На повикот може да аплицираат лица што набавиле инвертер клима уреди почнувајќи од 01.01.2022 година и се жители на Град Скопје (општини Гази Баба, Аеродром, Кисела Вода, Карпош, Чаир, Шуто Оризари, Центар, Ѓорче Петров, Бутел и Сарај)  и кои ги исполнуваат предвидените услови. Повикот ќе биде отворен до 01.11.2022 година или до денот на исцрпување на средствата. Јавниот повик ќе се реализира по редослед на аплицирање, односно по дата и време на аплицирање и по испратена потврда за предадена печка.

Согласно условите од јавниот повик граѓаните за да добијат субвенции за инвертери ќе треба доброволно и без надомест да ги предадат постојните печки на дрва, јаглен, нафта или мазут. Средствата што Градот Скопје ќе ги субвенционира се во нето износ не повеќе од 62.000 денари.

На Јавниот повик немаат право на учество жителите (домаќинствата) кои имаат станбен објект со приклучок на градско централно греење  без оглед на тоа дали го користат, како и лица кои претходно добиле субвенции за набавка на печки на пелети или инвертери“, соопшти Град Скопје.

Документацијата потребна за онлајн аплицирање e достапна на интернет страната на Град Скопје www.skopje.gov.mk , а аплицирањето се врши преку платформата – uslugi.skopje.gov.mk

Во Буџетот на Град Скопје за 2022 година за оваа намена се предвидени 24 милиони денари.

Повеќе информации за јавниот повик на македонски јазик на линкот –

https://skopje.gov.mk/mk/apliciraj/subvencii/

Повеќе информации за јавниот повик на албански јазик на линкот –
https://skopje.gov.mk/sq/apliciraj/subvencii/

Аплицирајте на – uslugi.skopje.gov.mk

„Овие субвенции се дел од мерките што Градот Скопје ги има предвидено во Планот за подобрување на квалитетот на воздухот и Акциониот план на Стратегијата за климатски промени на Градот. Согласно со многубројните истражувања за квалитетот на воздухот во Скопје најголемо учество во емисијата на ПМ10 и ПМ2,5 честичките има затоплувањето на домовите кои немаат централно греење. Ова се јавува, пред се, заради нецелосното и несоодветно согорување на огревното дрво, лошиот квалитет на дрвото, начинот на неговото чување и употребата на стари, дотраени и технички неисправни печки. Инвертерите за затоплување се економични, еколошки, не користат фосилни горива, а истовремено се ефикасни при затоплувањето на домовите“, се додава во соопштението на Град Скопје.

Би можело да ве интересира

Бројни интервенции извршени од страна на екипите на јавните претпријатија по невремето кое го зафати Скопје

Ана Ололовска

Бесплатен паркинг на затворените паркиралишта на ЈП „Градски паркинг“ при дарување крв

А1он

Арсовска: Започнуваме нов зелен плоштад и парк од 5000 квадратни метри во населбата Ченто

Ана Ололовска

(ВИДЕО): Производителот „Баер“ испитува зошто со нивното средство против комарци нè прскаат од воздух, спротивно од дозволата за употреба

Петар Клинчарски

Жичарницата и автобусите до Водно, времено нема да бидат во функција

А1он

Од утре делумна забрана за движење во парк-шумата „Водно“ и во паркот на природата „Гази Баба“

А1он