НСДП: Ако се докаже изборен фалсификат на ДПМНЕ, да се забрани учеството на оваа партија на следните избори

Од:

„Доколку се докаже изборниот фалсификат на ВМРО-ДПМНЕ и повредата на избирачкото право на граѓаните на Република Македонија преку прислушуваните разговори на врвното раководство на партијата, покрај кривичната индивидуална одговорност, новата власт со закон треба да го забрани учеството на оваа партија на следните локални, парламентарни и претседателски избори. Досегашната узурпацијата на изборните процеси и поткопувањето на демократските темели на политичкиот систем ја наметнува потребата ВМРО-ДПМНЕ да биде отстранета од  политичкиот живот за одреден период, што би било истовремено и пука за сите политички партии во иднина повеќе никогаш да не посегнат по изборен фалсификат и погазување на темелните демократски вредности. Заострувањето на изборната регулатива во оваа насока може само да биде позитивен импулс во зајакнувањето на легитимитетот на секоја идна власт и возобнувувањето на демократските капацитети на целиот политички систем.

dobivaj vesti na viber

Тезата што често пати се слуша во јавноста дека не треба да страда цела партија заради криминалот на партискиот врв, во случајот на ВМРО-ДПМНЕ е неодржливо, од проста причина што и по отварањето на сите афери, скандали, криминалии и насилства на водството на ВМРО-ДПМНЕ, голем дел од членството на партија на клиентилистички основи се солидаризира со раководството. Имајќи во предвид дека изброниот фалсифакт, како што може да се слушне од прислушуваните разговори, во себе инкопорирал цела мрежа од партиски војници, на кои им се делени фалсификат лични карти за да гласаат повеќе пати, само е дополнителен факт во корист на потребата од сносење и на колективна одговорност од страна на владејачката партија.

Крајот на политичката кариера на Груевски се гледа, колку и таа реалност да не  ја прифаќа и како обичен селски интерес да очекува да се случи некое чудо кое може да го одложи неговото заминување од политиката. Би било добро за македонската нација и македонската држава мнозинството членови на ВМРО-ДПМНЕ, политичкиот крај на Груевски да го разберат не само како нов почеток за Македонија, туку и за нивната партија. Целата македонска јавност, колку и да го криеја медиумските трабанти, можеше да се увери во клиентиелизмот, алчноста, апашлакот и садистичкото изживување врз политичките противници на најтесното водство на партијата. Тој факт членовите и симпатизерите на партијата не смеат да го игнорираа. Нивниот криминал е лесно докажлив и кога ќе завршат сите постапки и процеси пред надлежните институции, ќе се уверат каква руина од партијата оставија зад себе партиските перјаници на ВМРО-ДПМНЕ. Неинволвираните членови на партијата во овој криминал од големи размери, врз основа на внатрешни реформи имаат вистинска шанса да ја спасат партија од бездната кон која ја влече Груевски и тие околу него“, се вели во соопштението на НСДП.

 

Би можело да ве интересира

Трајковски: Одлуката на ЦО на НСДП за еден кандидат за претседател е недемократскa

Катерина Павлова-Николовска

НСДП: Централниот одбор го утврди Горан Мисовски за единствен кандидат за претседател на партијата

Катерина Павлова-Николовска

Евакуиран Aренa центар во Загреб по дојава за две поставени бомби

А1он

НСДП: Резултатите од меѓународните тестови на учениците да бидат референтна точка за идниот раст на платите на наставниците

Дојави за бомби и евакуации на три трговски центри во Белград и еден во Ниш

А1он

НСДП: Резултатите од пописот да бидат основа за просперитетот на државата, а не за будење на национализмот

Ана Ололовска

Leave a Comment

one × 5 =