Денеска во Веро Центарот во Скопје ќе се одржи предновогодишен хуманитарен базар на рачно изработени рециклирани предмети на кој ќе се собираат средства за СОС Детското село Македонија.
Предметите се изработени од деца од градинките низ Македонија во изминатите три месеци. Базарот е организиран во рамки на проектот „Собираме и ре-креираме со Бимилк“, а на него ќе присуствуваат и министерката за труд и социјална политика Мила Царовска и националниот директор на СОС Детско село Македонија, Јулијана Накова-Гапо.
Во проектот беа вклучени речиси 2 илјади деца од повеќе од 60 градинки. Тие изработуваа предмети од разни амбалжи со цел да се научат на важноста на рециклирањето и зачувувањето на животната средина.