Избраните нови полициски службеници успешно ги извршуваат задачите и се адаптираат на деловите на обуката која ќе ја извршуваат следните 12 месеци.
Полицискиот врв предводен од министерката за внатрешни работи Гордана Јанкулоска денеска ги посети новите полицајци, истакнувајќи дека за време на обуката ќе се направи нова селекција и 10 отсто од кандидатите со најслаби резултати ќе отпаднат, односно од моменталните 330 лица, 30 лица ќе отпаднат, а 300 ќе склучат договор со МВР.
Министерката Јанкулоска нагласи дека и во иднина ќе настојуваат да вршат ваков процес на селекција, бидејќи истиот се покажал успешен.