Долгогодишниот новинар од Штип, Драган Ристов, почина денеска на 47-годишна возраст како последица на компликации од Ковид-19, јавија локалните медиуми.
Ристов во последниве години беше вработен во секторот за односи со јавност во Општина Штип.
Тој беше препознатливо новинарско перо, а во сеќавање на јавноста остана како вработен во штипското радио Канал 77, каде го помина најголемиот дел од кариерата.
Драган Ристов зад себе остави сопруга и две деца.
Здружението на новинарите на Македонија (ЗНМ) изрази длабоко сочувство до неговото семејство.