Во текот на изминатото деноноќие на територијата на Македонија 84 лица потпишале изјави за самоизолација, информираат од МВР.
Од страна на полициски службеници извршени се 2.473 контроли кај лица во изолација и самоизолација, не се евидентирани лица кои не ја почитувале мерката за изолација и самоизолација.
По однос на забраната за движење во текот на изминатите 24 часа евидентирано е дека на ниво на целата држава 29 лица не ја почитувале забраната за движење, при што приведени се 23 лица, а за останатите се земени податоци и ќе следуваат соодветни мерки.
Во државен карантин се спроведени 23 лица.
По однос на обврската за носење на лична заштита во текот на изминатите 24 часа опоменати се девет лица.