Новата детска градинка во Штип ќе чини над 50 милиони денари

Од:

Изградбата на новата детска градинка во штипската населба „Сењак“ ќе чини над 50 милиони денари. Советниците на денешната седница на Советот на општината дадоа зелено светло за одобрување на дополнителни 13.600.000 денари.

Првичните пресметки за изградба на градинката беа дека ќе чини 36.800.000 денари, но по електронската аукција ниту една од вкупно четирите фирми кои учествуваа не даде понуда приближна на проектираната сума.

Градоначалникот Благој Бочварски изјави дека дополнителните 13,6 милиони денари ќе бидат на товар на буџетот на општината.

– Ние сме ликвидна општина која може да го поднесе овој трошок. Тоа е цената на пазарот која што е понудена и ние треба да најдеме средства со заштедите кои ќе ги правиме, да обезбедиме средства оваа градинка да стане реалност, истакна Бочварски.

Најновите пресметки и електронската аукција велат дека новата детска градинка ќе се гради со 16 милиони денари од Бирото за рамномерен регионален развој, а останатите над 30 милиони денари се обезбедуваат од буџетот на општината.

По донесената одлука од страна на Советот на општината, веднаш може да почне изградбата на градинката во која ќе се згрижат околу 200 деца од предучилишна возраст.

На денешната седница на Советот беа донесени и одлуките за формирање на паралелки со помал број ученици во петте основни и три средни училишта. Од буџетот на општината за првпат ќе се финансираат и проекти на невладиониот сектор.

Би можело да ве интересира

65-годишна штипјанка со нож го ранила шест години постариот сопруг

Горан Наумовски

54-годишен штипјанец со нож си ја убил мајката

Горан Наумовски

Штипјанец осомничен за убиство, ги нападнал сопругата, нејзините брат, татко и мајка

Мицкоски: Во Штип е најголемата здравствена инвестиција од околу 150 милиони евра

Се гаси пожарот на планината Серта меѓу штипските села Драгоево и Селце

Се градат 11 градинки со капацитет за 1.100 дечиња, вели премиерот Мицкоски