[staff name=”Елена Георгиевска” position=”Автор”][/staff]Жителите на кумановско Старо Нагоричане ќе добијат нова водоводна мрежа, со пари од Европската банка за обнова и развој.
Проектот за подобрување на водоводната мрежа, го спроведува Министерството за транспорт и врски, а работите на терен треба да започнат во мај.
-Проектот е од круцијално значење за жителите на ова село кои со децении користат вода од маалските водоводи. Со спроведување на проектот ќе се овозможи квалитетно водоснабдување – изјави градоначалникот на општина Старо Нагоричане, Миодраг Јовановиќ.
Се проценува дека проектот ќе чини над 200 илјади евра. Селото Младо Нагоричане според зафатената површина е едно од најголемите во државата, а брои околу 1.200 жители.