Нова распределба на квоти за лековите за да им бидат подостапни на граѓаните

Од:

Почнува нова распределба на квотите за лекови во аптеките со кои Фондот за здравствено осигурување има склучено договор, а треба да овозможи осигурениците да имаат подобра достапност до лекови во текот на целиот месец во аптеките во близина на нивното место на живеење. Предвидени се и дополнителни најмалку 120 милиони денари за лекови на товар на Фондот.

Согласно новата распределба, околу 500 аптеки ќе добијат рамномерно зголемување на квотите за околу 20 илјади денари месечно по аптека. Предвиден е минимален износ по глава на жител, односно осигуреник, по подрачна единица на Фондот, секаде во земјата. Целта е на ваков начин во наредните две-три години да се изедначат буџетите по подрачна единица по глава на жител кои во некои случаи досега покажувале значителни разлики. За аптеките се утврдува максимален износ на квота од 650 илјади денари.

Исто така, едно правно лице со две или повеќе аптеки нема да може да има квота поголема од 10 проценти од вкупнипот буџет на Фондот наменет за лекови. Со тоа се намалува можноста за стекнување и одржување на доминантна позиција на пазарот и се воведуваат порамноправни правила на игра и за средните и помалите аптеки.

Од ФЗОМ најавуваат порамнување на квотите двапати годишно во јули и декември за да се види колку се искористуваат и дали малите аптеки набавуваат лекови во вредност на квотите кои им се доделени.

Би можело да ве интересира

МЗ: Се воведува двојно читање на мамографските слики за рано откривање рак на дојка

Ана Ололовска

Пуштено во употреба ново одделение за акутни состојби во Психијатриската болница – Негорци

Ана Ололовска

Филипче: Јавниот здравствен сектор е отворен за секој кој сака да се врати не само за тимот кој замина

Ана Ололовска

Филипче: Заврши првата фаза од тендерот за изградба на новиот клинички центар

Ана Ололовска

Лекови на рецепт од денеска во која било аптека и во кое било време од месецот

Ана Ололовска

„Хемофарм“ го повлекува лекот „Ранитидин“ поради појава на нечистотија што може да биде штетна за здравјето