Трет ден по ред дојава за бомба во средните училишта во градот Скопје ја вознемирува јавноста, а учениците повторно ќе се евакуираат.
Во моментов се евакуираат учениците од средното училиште Никола Карев во Скопје.
„Денеска во СВР Скопје околу 14 часот е пријавено дека на меил адресa на едно училиште во Скопје е упатена закана за поставена експлозивна направа.
Веднаш по добиената пријава, од полициски службеници се преземаат мерки за безбедно евакуирање на училиштeто и антитерористички проверки и се преземаат мерки за расчистување на случајот“, соопштија од МВР за „А1он“.