Нова кривична пријава за поранешниот градоначалник на Василево

Од:

СВР Струмица му поднесе нова кривична пријава на поранешниот градоначалник на општина Василево, Ванчо Стојанов (51), како и против Г.Ц. (55) од село Доброшинци.

Според портпаролот на струмичката полиција, Хризантема Рендевска, поранешниот градоначалник се сомничи дека сторил кривично дело „Злоупотреба на службената положба и овластување“, а второпријавениот за „Поттикнување“.

– В.С. на 27 септември 2012 година на второпријавениот му издал решение за утврдување правен статус на бесправно изграден објект-куќа, за објект за кој не биле исполнети условите за легализација и утврдување правен статус согласно Законот за постапување со бесправно изградени објекти, рече портпаролката на СВР Струмица, Хризантема Рендевска.

Според полицијата, поранепниот градоначалник на општина Василево со тоа постапил спротивно на Законот со што му овозможил на второпријавениот, кој е вработен во Општина Василево, да се стекне со противправна имотна корист.

Би можело да ве интересира

МВР: Запленивме над 40 тони дрога и биомаса

Горан Наумовски

Измамени две стари лица за лажни сообраќајки и лажно претставување како лекари на подрачјето на Штип во последните 24 часа

МВР: Ќе се формира национален комитет за заштита на новинарите, нивната безбедност е врвен приоритет

Граѓанците да ги ажурираат податоците за „Безбеден град“, повика МВР

Тешко повредени тројца пешаци во три сообраќајни несреќи

Стопанска комора: Потребни се решенија, не блокади на граничните премини