Нова градинка во Општина Илинден од септември, изградбата во завршна фаза

Од:

Во населеното место Миладиновци во завршна фаза е изградбата на градинка – капитален проект што Општина Илинден го реализира во соработка со Министерството за труд и социјална политика. Објектот ќе биде пуштен во употреба во септември годинава.

Вкупната вредност на инвестицијата е 30 милиони денари, од кои од Буџетот на општината се обезбедени 24 милиони денари и шест милиони денари од Министерството за труд и социјална политика. Новата градинка, која се наоѓа веднаш до централното општинско основно училиште „Браќа Миладиновци” и новоизградената амбуланта во населено место Миладиновци, се простира на површина од 540 метри квадратни со капацитет за згрижување на 90 деца на возраст од 2 до 6 години, како и на деца на возраст од 9 месеци до 2 години, односно ќе бидат воведени јасли.

Од општинската прес-служба информираат дека со изградбата на градинката ќе се создадат услови за згрижување на најмладите од околните населени места кадешто живеат приближно 4 000 жители.

– Со реализацијата на овој проект дополнително ќе се овозможи да се ослободи простор во веќе постоечката градина „Гоце Делчев” којашто е со капацитет од 450 деца на возраст од 2 до 6 години, и ќе се создадат услови за згрижување на деца од најмалата возраст (од 9 месеци до 2 години) и воведување на јасли и во оваа детска градинка, соопштуваат од општината.

Општинската градинка „Гоце Делчев” е изградена и пуштена во употреба во 2009 година и на почетокот згрижуваше 60 деца. Брзиот развој на општината, како и зголемениот прираст на населението наложи потреба од зголемување на нејзиниот капацитет, па така, со надградбата, проширувањата и изградбата на овој нов објект во Миладиновци, создадени се услови за згрижување на вкупно 540 дечиња од предучилишна возраст во општина Илинден.

Од локалната самоуправа посочуваат дека и во иднина ќе продолжат со реализација на концептот за изградба на објекти од јавен карактер, во делот на згрижување на деца од предучилишна возраст.

Би можело да ве интересира

Владата објави дополнителни протоколи за градинките и за културните настани

А1он

Шахпаска не кажува колку слободни места има во градинките

Според анализите на МТСП капацитетот во градинките не е исполнет

Ана Ололовска

Втор случај на дете во градинка заразено со Ковид 19, Владата останува на ставот родителите да се вратат на работа

Ана Ололовска

Шахпаска и Филипче на средба со родителите: Градинките имаат капацитет за безбедна и целосна грижа за децата

А1он

Влада: Обезбедена е целосна грижа и доволно места за децата во градинките, логичен чекор е родителите да се вратат на работа

Ана Ололовска