Општа болница Куманово набави нови апарти во вредност од четири милиони денари, изјави денеска директорот на кумановската болница Ариф Латифи.
Латифи информираше дека набавени се коронарен стрес тест, холтер за мерење крвен притисок и следење на срцев ритам, спирометар, пет екг-апарати, ехо на синуси.
Дел од средствата, информира тој, обезбедени се од установата, а дел од Министерството за здравство.
Општата болница во Куманово денеска ја посетија и државниот секретар во ресорното министертво, Насуф Ипчја и министерот за локална самоуправа Лирим Шабани.
Директорот Латифи најави дека наскоро ќе се премести и амбулантата за дијабетес од сегашните во нови простории и оти дополнително ќе се ангажираат двајца лекари специјалисти и нова апарати, со што дополнително ќе се подобрат услугите кон пациентите.
