Нов заштитен сведок ќе биде сослушан за масакрот кај Смиљковското Езеро
Сведокот под псевдоним „Е1“ ќе биде клучен во истрагата за случајот „Монструм“. Сведокот, за отприлика две недели ќе биде сослушан во кривичниот суд , објави Канал 5 телевизија.
Сведокот со заштитен идентитет ќе биде сослушуван под посебни услови, ликот ќе му биде заматен, а гласот мутиран. На сведочењето ќе присуствуваат и обвинетите и адвокатите, пренесува телевизијата.
Во истрагата за петкратното убиств о , сведокот „Е1“ ќе биде втор заштитен сведок. Хаки Хазири, на почетокот беше заштитен сведок, а потоа осомничен за помагање тероризам.
Истражниот судија Владимир Туфегџиќ за Канал 5, ниту потврдил ниту демантирал дека се појавил нов заштитен сведок. Судијата останува на она што го кажал пред неколку дена, а тоа е дека истрагата е во завршна, но чувствителна фаза и затоа нема да откриваат детали