Нов протест со шест барања и ултиматум за скандалот на Онкологија

Од:

Неформалната организација „Протест против убиството на Онкологија“ денеска во 18 часот организира нов протест за кражбата на лекови на Клиниката за онкологија. Во најавата, наведуваат шест барања кои ќе ги презентираат на протестот, кој ќе продолжи пред Основното јавно обвинителство.

„Ве повикуваме повторно на протест во понеделник пред Влада, каде заедно ќе го искажаме гневот и револтот против криминалот кој со години се толерирал на Клиниката за Онкологија. Протестот од Влада ќе продолжи пред Зградата на ОЈО каде ќе побараме судска разрешница за сите инволвирани во скандалот со Клиниката на онкологија.
Нашите барања и ултиматум од овој протест се:
1. ОЈО да излезе со детали за текот на истрагата во рок од една недела
2. Истрага за инволвираноста на поранешниот министер Венко Филипче и директорот Нино Васев
3. Проширување на истрагата на работата на Детска онкологија
4. Целосна ревизија на работата на Клиниката за Онкологија
5. Правосилни судски пресуди за сите инволвирани во злосторството и криминалот на Онкологија
6. Вклучување на онколошки пациенти кои ќе имаат увид во самата истрага.
Воедно, апелираме сите онколошки пациенти да не контактираат за нивните искуства, за да придонесеме во целосно разоткривање и одговорност на сите инволрвирани во скандалозното работење на Клиниката за онкологија“, стои во најавата за протестот.

На првиот протест кој се одржа пред една недела, беше поставен истиот ултиматум до властите, за една недела да излезат со информации за случувањата на Онкологија, нешто што не се случи.

Би можело да ве интересира

СДСМ: По 20 години, во наше време, се расчистува случајот Онкологија, лагата на ДПМНЕ се покажа и со Анкетната комисија

Нино Васев не смее да оди на работа во Онкологија – судот ги прифати мерките од обвинителство

Се кратела ли терапија од пациенти, се препишувале ли лекови на починати, каде завршиле скапите лекови – хаос во документацијата на Онкологија

Тројца онколози и двајцата директори осомничени за скандалот Онкологија – обвинителството отвори постапка

Задржани четири лица во врска со скандалот на Онкологија

Тројца изнесени со лисици, дел не се појавиле на работа – апсења за скандалот Онкологија

Анита Петровска Рајковиќ