Водостојот на Вардар кај Јегуновце е речиси шест пати понизок, а кај Скопје три пати помал од вообичаениот за јануари, додека на мерните места кај Велес и Демир Капија е во рамките на повеќегодишниот просек за овој месец.
Според податоците на Управата за хидрометеоролошки работи, помало ниво од вообичаеното имаат и останатите реки во земјава со исклучок на Црн Дрим кај Ложани и Пчиња кај Катлановска Бања каде водостојот е повисок од просечниот.
Нивото, пак, на природните езера во земјава е во рамките на просекот за јануари.