Судија на претходна постапка при Основниот кривичен суд Скопје, постапувајќи по предлог за определување мерки за претпазливост на Основното јавно обвинителство – Скопје против две лица, кои утрово беа спроведени во судот, а поврзани со случајот „Онкологија“, по ценење на фактите изнесени од странките во однос на предлогот донесе решенија со кои:
Се прифаќа предлогот и на Н.В. му се опредлуваат мерки за претпазливост по чл. 146 ст.1, т. 1,2,3 и 7 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова и Забрана за преземање определени работни активности поврзани со кривичното дело.
Од судот за А1он појаснија дека „ Забрана за преземање определени работни активности поврзани со кривичното дело“ всушност значи оддалечување од работното место на Клиниката, како што оваа мерка беше формулирана во барањето на обвинителството, што значи дека осомничениот Др Васев не смее да оди на работа во Онкологија до заврршување на постапката или до измена на мерките.
На другиот осмоничен – Н.Н. му се определуваат мерки за претпазливост по чл. 146 ст.1, т.1,2 и 3 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова.
Против овие решенија странките имаат право на жалба пред кривичниот совет на овој суд во рок од три дена по приемот на решението.