На прашањето упатено од адвокатот Ѕвонко Давидовиќ до обвинетиот Александар Василевски – Нинџа за тоа дали на 27 април 2017 примил повик од странство, обвинетиот Василевски изјави дека околу 14-15 часот му се јавил неговиот брат Благоја Василевски за да го праша за здравствената состојба на нивната мајка.
„Околу 14-15 часот ми се јави брат ми и ме праша како е мојата мајка која боледува од карцином. Мојот брат тогаш работеше како обезбедување на Никола Груевски и беше на работен состанок во Виена“, рече Василевски.
Братот на Александар Василевски – Нинџа, Благоја Василевски е повикан во судот како сведок на обвинетиот Нинџа. Сведочење за настаните од 27. покрај братот на Александар Василевски ќе дадат и Веле Петрушевски како и Дејан Димковски – Боксер кој неколку пати беше споменуван во постапката како дел од групата на Нинџа која ги изведувала задачите на УБК.
Виктор Јованов