– Пратениците од ВМРО-ДПМНЕ немаат право да ја загрозуваат егзистенцијата на земјоделците кои немаат земено ниту денар од субвенциите, рече Љупчо Николовски, СДСМ.
Тој ги обвини пратениците дека работат за заштита на криминалот и нафтените платформи и дека сакаат да ги крадат граѓаните до последен ден. Несериозни кадри ги узурпираат институциите и не ги даваат парите на граѓаните кои ги заслужиле. Се сменија тројца директори, а никој од нив не исплаќа субвенции на земјоделците, рече Николовски.
Тој нагласи дека додека земјоделците трпат за леб, Сашо Мијалков и Никола Груевски се шират во нафтениот бизнис.
– Да имаше нова влада, земјоделците ќе земаа поголеми субвенции и ќе имавме воведено зелена нафта. Доцнат реформите за младите фармери кои секојдневно си заминуваат од Македонија, вели Николовски.
Според него со прекинување на узурпацијата на говорницата и избор на претседател, а потоа и нова реформска влада, граѓаните ќе имаат многу големи придобивки.