Љупчо Николовски од СДСМ кажа дека нивната партија не планира да преговара и разговара со криминалци, со што кажаа не, на шпекулациите за лидерска средба.
Според него, по паузата СДСМ и коалицијата ќе се вратат на седницата, но останува нивниот став дека нема да се јавуваат за реплики и контра реплики.
Николовски кажа дека имаат план за деблокирање на Собранието, но не го кажа планот конкретно.
СДСМ има стратегија и план како да се одблокира Собранието, заедно со 67-те пратеници кои дадоа потпис за формирање на реформска влада.
Имаме право и обврска, согласно Устав, Закон и Деловник да избереме собраниски спикер.
До денеска дозволивме граѓаните да видат какви пратеници седат во Собранието и што тие штитат. Амнестија на криминалци нема да има и нема да прифатиме, рече Николовски.
Тој кажа дека мора да има нова влада која ќе ги исплати задоцнетите субвенции и праша каде се над 300 милиони евра, кои министерот Кирил Миновски ги земал на почетокот на годината.