Клучното прашање на овие избори е одлуката за европската иднина на државата.Овие денови се потврди, во ДПМНЕ нема никаква промена. Тоа е истата режимска партија од минатото, со која е можно само враќање назад во изолација вели пратеничката на СДСМ Даниела Николова.
– Нервозата во белата палата се манифестира со брутално апсење новинари и обид за замлчување и заплашување, исто како во мрачното време на режимот и ВМРО-МВРО. Пропагандата, злоупотребите на медиумите, пласирање лажни вести и нарачани анкети за манипулирање на граѓаните се добро познатите методи на Никола Груевски, кои сега ги спроведува Христијан Мицкоски. Со ДПМНЕ е можно само враќање назад во изолација и режим, далеку од Европа. Тоа може да го спречат граѓаните на изборите на 24 април а потоа и на 8 ми мај. Со глас за Коалицијата за европска иднина и Стево Пендаровски граѓаните гласаат за членство во ЕУ, за слобода, демократија и европски животен стандард, рече Николова.