Скопје попладнево го зафати силно невреме со пороен дожд, грмежи и ветер од околу 50 километри на час. Дождот го отежна сообраќајот низ градот. Дел од улиците се времено блокирани, а некои подвозници поплавени.
Според дежурниот синоптичар во Управата за хидрометеоролоши работи (УХМР) Лена Јовановска, променливо ќе биде до крајот на денот, на повеќе места во скопското подрачје нестабилно облачно со интензивни врнежи, грмежи и засилување на ветерот.
Локално се очекува да има и пообилни вренежи дожд, над 35 литри на метар квадратен.
И утре под влијание на циклонска активност времето ќе биде променливо облачно, нестабилно, на повеќе места со пороен дожд и грмежи.
Во сабота ќе биде стабилно, со услови за изолирана појава на краткотраен дожд на планинските предели попладне.
Стабилно и потполо време се очекува во недела и понеделник.