Епидемиолошката служба при ЈЗУ Гевгелија денеска изврши редовен увид во Приватниот транзитен центар Гевгелија и констатира дека нема заразни заболувања меѓу малкуте мигранти кои се сместени во кампот.
Службата констатира дека хигиената е на задоволително ниво и оти редовно се одржува, објектите во кои престојуваат мигрантите се затоплени, а направена е и дезинфекција на површина од 2.400 метри квадратни.
Во врска со одредени информации дека се појавила заразна жолтица во бегалскиот камп во Идомени кој е оддалечен околу 700 метри од гевгелискиот, епидемиолошката служба предложи зголемување на хигиената во просториите и на личната хигиена, интензивно читење на сите простории и санитарни јазли,употреба на течен сапун и дезинфициенси за раце, а изготви и упатства по кои треба да се постапува.
Во ПТЦ Гевгелија моментно престојуваат 45 мигранти. Од нив, 12 мигранти останаа откако се затвори балканската рута, 10 се вратени од Табановце и групата од 23 Авганистанци кои во понеделникот беа спасени од давење во Сува река.
