Нема слободни викенди, работни денови, одмори за затворениците во идните 20 дена. Посетите им се дозволени само со сертификат за вакцинација. Ова е одлуката на Управата за извршување санкции, како превенција од ширење на коронавирусот. Првиот човек на Управата, Марјан Спасовски, вели дека одлуката е донесена за да се заштити здравјето на лицата кои се притворени или издржуваат казна затвор, во моменти кога коронавирусот е широко распространет.
Времетраењето на рестрикцијата може и да се продолжи, доколку состојбата со коронавирусот не се подобри. За тоа ќе се одлучува пред истекот на дваесете денови. Засега, вирусот не е широко распространет во затворите и обидот на Управата е тоа да се спречи.
Ваква рестрикција имаше и во 2020 година. Тогаш беше донесена слична мерка, бидејќи состојбата со коронавирусот ескалираше, а имаше и над илјада заразени на дневно ниво. Откако состојбата се смири, затворениците продолжија да си ги користат привилигиите.